Учениците беа презадоволни од работилницата посебно од истражувачкиот и експерименталниот дел. За многу кратко време го научија процесот на Фотосинтеза. Со нетрпение ја чекаат следната работилница!

Со практични експерименти и интерактивни примери, работилниците на МИУ нудат широк спектар на активности кои ги збогатуваат искуството и знаењата на учениците.

Мрежата за искуствено учење ни овозможи многу позитивно искуство. Учениците научија многу повеќе затоа што директно беа вклучени во истражувањата, поставуваа прашања и донесуваа заклучоци. Јас како наставник сум задоволна од постигнатите резултати, соработката со координаторите, целокупната идеја и нејзината реализација. Секако би продолжила со ваквиот пристап во учењето затоа што освен во нашата училницата, имаа можност да учат и на терен, во лабораторија, со едукатори кои многу успешно ги спроведоа предвидените активности.

Самите ученици беа возбудени и импресионирани од самиот пречек на ПМФ/Ботаничка градина, целата опрема и начинот на искуствено учење преку вежби, практичен и теоретски дел. Сите ученици беа вклучени и активни, научија и утврдија многу нови методи и методологии во делот на животната средина и растенијата. Упатувам голема благодарност за можноста на нашите ученици да се доближат и да бидат дел од оваа едукативна програма, и со задоволство би ја препорачал и на останатите колеги.

Ви благодариме што ни овозможивте да имаме едно убаво искуство во едукативниот цетар во с.Негрево. Презадоволни сме од начинот на организација и максималната ангажираност на едукаторките Маре и Валетина. Позитивни критики и за соодветното бирање на експериметите за работилницата кои се прилагодени спрема возраста на учениците. Се надевам дека ќе имаме можност повторно да бидеме дел од вашите работилници.